مطبخ روز

مطبخ روز من افضل المواقع في تقديم وصفات الطعام

اكلات محشي مقبلات وصفات

طريقة عمل محشي كرنب

مكونات محشي كرنب

  • ثمرة كرنب متوسطة الحجم
  • كوباية ونص أرز مصري
  • لفة كزبرة مفرومة
  • معلقتين كبيرة شبت مفرومة
  • نصف لفة بقدونس مفروم
  • ثمرة بصل مفروم
  • 5 فص ثوم مفروم
  • رشة ملح
  • فلفل أسود حسب الحاجة
  • رشة كمون
  • شطة حسب الرغبة
  • معلقتين صلصة طماطم
  • معلقة كبيرة زيت
  • كوبين مرق

طريقة تحضير محشي كرنب

  • اول حاجة هنسلق أوراق الكرنب بعد كدة هنحط عليهم رشة ملح وكمون ونقطع الكرنب علي هيئة قطع مناسبة الحجم
  • عشان نحضر الحشوة ، في مقلاة علي النار هنحمي الزيت ونحط البصل المفروم في الزيت لحد ما يزبل البصل ويتحول لونه للون الأصفر
  • هنحط الثوم علي الخليط ونسيبه لحد ما تفوح رائحته بعد كدة هنحط معلقة صلصة طماطم ونقلب الخليط مرة أخري
  • هنحط فلفل أسود وكمون وشطة ونقلب المكونات لحد ما تتجانس
  • هنسيب الخليط علي النار لحد ما يغلي
    هنخفف النار بعد كدة هنحط الارز والبقدونس والكزبرة والشبت ، هنقلب لحد ما تتجانس المكونات ونحصل علي خليط متجانس ، هنرفع الخليط من علي النار ونتركه يبرد
  • هنحضر حلة واسعة ، هنحط في قعرها ورق الكرنب
  • هنفرد ورق الكرنب ونملاها بالحشوة وبعد كدة نلفها
  • هنكرر الخطوة السابقة لحد ما تنتهي كمية الحشوة والكرنب
  • هنغلي المرق مع معلقة صلصة طماطم ، بعد كدة هنحط الخليط فوق المحشي ونحرك الحلة حتي يتوزع المرق في جميع اجزاء الحلة
  • هنحط الحلة علي النار ، لحد ما تغلي
    بعد كدة هنخفف الحرارة ونسيب الحلة علي النار لحد ما ينضج ويستوي

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *