مطبخ روز

مطبخ روز من افضل المواقع في تقديم وصفات الطعام

حلويات وصفات

طريقة عمل القشطوطة مثل بلبن

مكونات القشطوطة

كوباية سكر للكيك .

كوباية دقيق للكيك .

معلقة صغيرة بيكنج بودر للكيك .

عدد 4 بيض للكيك .

معلقة صغيرة فانيليا للكيك .

رشة ملح للكيك .

كوباية كريم شانتيه خام لعمل الكريم شانتيه .

2 معلقة كبيرة سكر بودرة لعمل الكريم شانتيه .

كوباية لبن لعمل الكريم شانتيه .

معلقتين زبدة سايحة للكراميل .

معلقة كبيرة نشا للكراميل .

كوباية سكر للكراميل .

معلقتين كبيرة لبن للكراميل .

طريقة عمل القشطوطة

اول حاجة نجيب بولة و نحط فيها البيض و الفانيليا و السكر و نضربهم كويس لغاية لما الخليط يظهر فيه فقاعات هواء كتير و بعدها نحط الدقيق و البيكنج بودر و رشة الملح و نضربهم كويس لغاية لما يكون الخليط قوامه مثل السموذى ثم بعد ذلك نجيب صينية فرن مقاس 26 سم و نرش فيها شوية دقيق و نحط ورق زبدة فى ارضية و جوانب الصينية و بعد كدا نضيف خليط الكيكة فى الصينية و نشغل الفرن على درجة حرارة متوسطة و بعد ما يسخن كويس ندخل الصينية لغاية لما تستوى و ندخل خلة سنان فى نص الكيكة علشان نتأكد انها استوت و بعد كدا نجهز الكريمة نجيب بولة ونحط اللبن و السكر و الكريم شانتيه و نخفقهم كويس لغاية لما تبقى متماسكة و بعد كدا نحضر صوص الكراميل نجيب طاسة على درجة حرارة متوسطة و نحط فيها السكر لغاية لما يبقى لونه بنى ثم نضيف اليه الزبدة السايحة و النشا و الحليب لغاية لما يغلو و المرحلة النهائية من عمل القشطوطة نقطع الكيك على شكل مربع و نحطه فى طبق ثم بعد كدا نضيف عليه شوية لبن و الكريمة نفردها على سطح الكيكة و نفرد الكراميل على الكريمة و نقدمها و بالهنا و الشفا .

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *