مطبخ روز

مطبخ روز من افضل المواقع في تقديم وصفات الطعام

حلويات وصفات

طريقة عمل الكشري الحلو مثل بلبن

مكونات الكشري الحلو

لعمل الارز بلبن نحتاج الى

2 كوباية ماء

4 كوب لبن

نص كوباية رز

3 معلقة كبيرة سكر

3 معلقة صغيرة نشا و ندوبهم فى شوية ماء

معلقة صغيرة فانيليا

لعمل الكنافة نحتاج الى

معلقة صغيرة فانيليا

معلقة كبيرة سكر بودر

2 معلقة سمن بلدى

ربع كيلو كنافة

لعمل الجلاش نحتاج الى

معلقة فانيليا

معلقة كبيرة سكر

2 معلقة سمن بلدى

لفة جلاش

طريقة تحضير الكشري الحلو

اول حاجة نجيب كوباية رز ونغسلها كويس وبعد كده نسلق الرز في كوباتين ماية ونسبهم على نار متوسطة لغاية لما يغلى ويبان انه بدا يستوي بعد كده نضيف عليه اربع كوبايات ماية ونسيبه يغلي مع التقليب ولما يغلي الرز بلبن نحط عليه معلقتين كبار نشا مدوبة في شوية ماية بعد كده نحط ثلاث معالق سكر كبار ونضيف معلقة صغيرة فانيليا ونسيبه لغاية لما يغلي وبعد كده نطفي النار ونحط الرز بلبن في قاعدة طبق التقديم وبعد كده نكسر الكنافة ونحط عليها معلقتين كبار سمنة بلدى ونحطها على النار مع التقليب المستمر لغاية لما ياخد لون بنى خفيف ونحطلها معلقة كبيرة سكر بودرة ومعلقة صغيرة ونخلطهم كويس مع الكنافة وبعد كده نجيب ربع كوب من الجلاش ونكسره ونحط عليه معلقتين كبار سمنة بلدى ونحطهم على نار متوسطة في طاسة مع التقليب المستمر لغاية لما ياخدوا لون ذهبي ونحط عليها معلقة كبيرة سكر بودر و معلقة صغيرة فانيليا ثم نضيف طبقة من الجلاش ثم نضع طبقة من الكريم شانتيه المخفوق و فى النهاية طبقة من السكر البودر على سطح طبق التقديم و نقدمها و بالهنا و الشفا .

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *