مطبخ روز

مطبخ روز من افضل المواقع في تقديم وصفات الطعام

اكلات فطائر وصفات

طريقه عمل الفطير المشلتت المورق زي المحلات

مكونات الفطير المشلتت

  • اربع كوبايات دقيق خمس نجوم
  • معلقه كبيره ملح
  • ماء للعجن
  • زيت للفرد
  • سمنه بلدي

طريقه تحضير الفطير المشلتت المورق

  • اول حاجه نجيب بوله ونحط فيها اربع كوبايات من الدقيق بعد كده نحط عليها معلقه كبيره ملح وننزل الماء واحده واحده ونعجن بايدينا لغايه لما العجينه تتماسك وتتكون معانا عجينه شده شويه .
  • ثاني حاجه على الرخامه بتاعتنا نجيب العجينه ونقطع العجينه كور متساويه ونجيب زيت ونزيت كل كوره وبعد ما نزيتها نجيب ورق استرتش ونغطي العجين ونسيبه يرتاح من ساعه لساعه ونص لغايه لما العجين يريح .
  • ثالث حاجه هنجيب كره العجينه ونفردها بعد ما ترتاح بالنشابه او بالايدي او نهوي العجينه لغايه لما تتفرد وتكون العجينه شفافه .
  • رابع حاجه نجيب السمنه وندهن العجينه بالسمنه نطبق العجينه على بعضها وكل ثانيه نحط طبقه سمنه ونكورها ونسيبها ترتاح نص ساعه .
  • خامس حاجه نكرر العمليه دي باقي الكور العجين لغايه لما نخلص الكميه ونسيب العجين يرتاح نص ساعه وبعد كده نخلط طبقات العجين مكون من طبقتين لثلاثه على بعض ونحطهم في صينيه مدهونه بالزيت وندخلهم على فرن درجه حرارة عاليه لغايه لما الجزء اللي من تحت من الفطير يتحمر ونقلبها على الجانب الاخر تاخد وش محمر ونطلعها من الفرن ونغطيها بفوطه مطبخ هي وسخنه علشان الفطير يكون طرى ولين و نقدم الفطيره ما عسل اسود و جبنه قديمه او اي مقبلات اخرى ونقدمها وبالهناء والشفاء .

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *