مطبخ روز

مطبخ روز من افضل المواقع في تقديم وصفات الطعام

بسكوت حلويات وصفات

طريقه عمل بسكوت الشاي

مكونات بسكوت الشاي

  • كوبايتين وربع دقيق
  • معلقه صغيره بيكنج باودر
  • رشه ملح
  • نص كوبايه زيت
  • نص كوبايه ماء
  • معلقه كبيره نشا
  • نص كوب سكر
  • رشه فانيليا

طريقه تحضير بسكوت الشاي

  • اول حاجه نجيب الخلاط ونضع فيه نص كوبايه ماء ونص كوبايه زيت ونص كوبايه سكر ورشه فانيليا ونخفقهم كويس لغايه لما السكر يدوب ويتجانس الخليط كويس مع بعض ثم نصب بالخليط في بوله كبيره .
  • ثاني حاجه نجيب بوله ونضع فيها كوبايتين وربع دقيق ونضع رشه الملح على الدقيق ونضع معلقه صغيره بيكنج بودر ومعلقه كبيره نشا ونقلب كل المكونات مع بعض لغايه لما يتجانسوا ثم نضيف خليط الماء والزيت والسكر والفانيليا على الخليط البودر ونقلبهم مع بعض كويس .
  • ثالث حاجه نلم العجينه بايدينا لغايه لما نحصل على قوام عجينه طريه ما تلزقش في الايد وبعد كده نترك العجينه ربع ساعه في الثلاجه لغايه لما ترتاح وبعد ربع ساعه نخرج العجينه من التلاجه ونفردها على رخامه و نقطع عجينه البسكوت بالتساوي على شكل دوائر متساويه باستخدام كوبايه فارغه ونقطع بيها شكل البسكوته .
  • رابع حاجه نجيب صينيه فرن وندهنها بالزيت ونبطنها بورق زبده ونضع عليها البسكوت وبالشوكه نعمل فتحت في البسكوت ثم بعد ذلك نشغل الفرن على درجه حراره متوسطه وندخل صينيه البسكوت في الفرن لغايه لما ياخذ لون ذهبي من الاسفل وعلشان نخلي السطح لونه ذهبي نشغل الشوايه لغايه لما ياخذ لون دهبي من فوق .
  • خامس حاجه واخر حاجه نطلع البسكوت من الفرن ونسيبه لغايه لما يبرد ونقدمه في اطباق ونقدم جنبه شاي وبالهناء والشفاء .

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *