مطبخ روز

مطبخ روز من افضل المواقع في تقديم وصفات الطعام

مكرونة وصفات

طريقه عمل مكرونة بالبشاميل زي المطاعم

مكونات المكرونة بالبشاميل

  • نص كيلو مكرونه
  • نص كوبايه دقيق
  • معلقتين كبار زبده
  • معلقتين كبار زيت نباتي
  • كيلو لبن
  • معلقه كبيره سمنه
  • نص كيلو لحمه مفرومه
  • بصلتين كبار
  • نص كيلو طماطم متقطعة
  • رشه ملح
  • رشه فلفل اسود

طريقه تحضير مكرونة بالبشاميل زي المطاعم

  • اول حاجه نجيب طاسه ونضعها على نار متوسطه ثم نضع نص كيلو لحمه مفرومه ونقلبها لغايه لما تبدا انها تستوي ثم نضع بصلتين مفرومين على اللحمه ونقلبهم مع اللحمه كويس ثم بعد ذلك نضيف نص كيلو متقطع طماطم ونقلبهم مع اللحمه ونسيب اللحمه لغايه لما تتعصب ونضيف الملح ونضع رشه من الفلفل الاسود ونقلب المكونات مع بعض لغايه لما اللحمه تتعصج و تستوي .
  • ثاني حاجه نجيب حله ونضعها على النار على درجه حراره متوسطه ونضع الماء وننتظر لغايه لما الماء تغلي ثم نضع عليها ملح ثم بعد ذلك نضع المكرونه القلم على الماء المغلي ونقلبهم ونترك المكرونه لغايه لما تستوي نص سلقه ثم نصفيها من الماء ونتركها جانبا .
  • ثالث حاجه نجيب حله ونضعها على النار متوسطه ونضع فيها الزبده والسمنه والزيت واول ما يسخنوا نضع عليهم نص كوبايه دقيق ونقلبهم مع بعض لغايه لما الدقيق ياخذ لون ذهبي ثم بعد ذلك نضيف كيلو لبن ساخن على خليط البشاميل ونقلبهم مع بعض واذا كان في تكتلات نستخدم الهاند بلندر ولو كان خليط البشاميل تقيل نضيف شويه ماء ونقلبه كويس لغايه لما نحصل على قوائم المطلوب .
  • رابع حاجه نضع شويه من البشاميل على المكرونه ونقلبها كويس في المكرونه ونجيب صينيه فرن مدهونه ونضع فيها طبقه من المكرونه المسلوقه ثم طبقه من اللحمه المفرومه ثم طبقه من المكرونه المسلوقه ثم اخر حاجه نضيف بقيه البشاميل على سطح المكرونه بالبشاميل ولو كان في جبنه موتزاريلا نضيف جبنه موتزاريلا اختياريا .
  • خامس حاجه ندخل صينيه المكرونه البشاميل الفرن في الرف العلوي من الفرن ونشغل الشوايه على درجه حراره منخفضه وننتظر لغايه لما تاخذ لون من فوق ونطلعها من الفرن ونقدمها في اطباق وبالهناء والشفاء .

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *